ટાયર કિલર બમ્પને અમદાવાદીઓએ જ કિલ કરી નાખ્યાઃ એવી લીધી પરીક્ષા કે…

બમ્પની કેપેસિટીનું પણ થઈ ગયું ટેસ્ટિંગ

અમદાવાદમાં પહેલી વખત કોર્પોરેશન દ્વારા ટાયર કિલર બમ્પનો અખતરો કરવામાં આવ્યો. એવું વિચારીને કે આ બમ્પથી રોંગ સાઈડ જનારા વ્યક્તિઓના ટાયર ફાટી જશે અને લોકો રોંગ સાઈડ જતા અટકશે. જોકે લોકોએ એક જ દિવસમાં પરીક્ષા કરી લીધી અને રોંગ સાઈડ પરથી બિન્દાસ્ત આ બમ્પ પર વાહન લઈને પસાર થઈ ગયા. હવે આ બમ્પ પર વાહનોની અવરજવરને કારણે બમ્પની સહન શક્તિનું પણ ટેસ્ટિંગ થઈ ગયું છે. 48 કલાકમાં તો બમ્પમાં કેટલીક ખામીઓ સર્જાવા લાગી છે. કેટલીક જગ્યાઓ પરથી સ્પ્રીંગ નીકળી ગઈ છે તો ક્યાંકથી ક્લિપ નીકળી ગઈ છે. સવાર સવારમાં જ કોર્પોરેશનના ટ્રાફિક એન્જિનિયર વિભાગનો સ્ટાફ અહીં આવી ગયો હતો અને બમ્પ રિપેર કર્યા હતા.

‘રાજ્યની સરકારે દલિતોની હત્યાનો છૂટો દૌર આપ્યો છે’- અમરેલી હત્યાને લઈ જીગ્નેશ મેવાણી લાલઘૂમ

કોર્પોરેશનનું કહેવું છે કે, આ પાયલોટ પ્રોજેક્ટ હેઠળ બમ્પ લગાવાયા છે. પહેલીવાર આવું કરવામાં આવ્યું છે તેથી આ પ્રયોગ કેટલો સફળ થાય છે તે અમે તપાસી રહ્યા છીએ. હાલ તેને રિપેરિંગ કરવાની કામગીરી કરી છે. સફળતા પછી અન્ય ચોક્કસ જગ્યાઓ પર લગાવવાના પ્રયાસો કરાશે.