અમદાવાદઃ કોંગ્રેસના બે તાકતવર નેતાઓ એક બીજાને ભેટીને રડી પડ્યા- Video

ગ્યાસુદ્દીન અને ખેડાવાલા ક્યાં મળ્યા
ઈમરાન ખેડાવાલા અને ગ્યાસુદ્દીન શેખ એક બીજાના સારા એવા મિત્ર છે. કોરોના કાળમાં પણ તેમણે સાથે મળીને લોકો માટે કામ કર્યા હતા. અહીં સુધી કે જ્યારે પહેલી વખત ઈમરાન ખેડાવાલા કોરોના હોવાનું સામે આવ્યું ત્યારે પણ તેઓ વિધાનસભાની મુલાકાત પછી સાથે જ એક જ કારમાં પાછા અમદાવાદ આવ્યા હતા. જોકે અમદાવાદ આવ્યા પછી ઈમરાન ખેડાવાલાની તબીયત અંગે જાણ થઈ હતી. હમણાં જ ગુજરાત વિધાનસભાની ચૂંટણીઓ દરમિયાન દરિયાપુર બેઠક પરથી ગ્યાસુદ્દીન શેખને હરાવવા લગભગ અશક્ય માનવામાં આવતું હતું. પરંતુ પાસા જબ્બર પલટાયા અને ગ્યાસુદ્દીનને હાર મળી, આ તરફ ઈમરાન ખેડાવાલા માટે પણ જીતવું ખુબ મુશ્કેલ બની ગયું હતું પરંતુ તેઓ જીતી ગયા હતા. જે પછી ગ્યાસુદ્દીન શેખની અમદાવાદ ખાતેની ઓફીસમાં તે બંને મળ્યા હતા. દરમિયાન બંનેની મુલાકાતે ભાવુક દ્રશ્યો સર્જ્યા હતા. બંને એક બીજાને ભેટી પડ્યા હતા. ખેડાવાલાને ગ્યાસુદ્દીને જીત માટે અભિનંદન આપ્યા હતા અને ખેડાવાલાએ ગ્યાસુદ્દીનની હાર પર અફસોસ વ્યક્ત કર્યો હતો. બંને એક બીજાને ભેટીને રડી પડ્યા હતા. આંખના આંસુઓ અને તેમના શબ્દો તેમના દુખ વર્ણવી રહ્યા હતા. જુઓ આ વીડિયો…

#Congresss ના બે નેતાઓના ભાવુક વીડિયો વાયરલ થયો છે. #GyasuddinShaikh ની ઓફિસે #imrankhedawala એ મુલાકાત લીધી હતી, ત્યારે ગ્યાસુદ્દીન શેખ અને ઇમરાન ખેડાવાળા ભેટીને રડી પડયા હતાં ત્યાર બાદ ઇમરાન ખેડાવાળાની જીત પર ગ્યાસુદ્દીને અભિનંદન પણ પાઠવ્યા હતાં.#Congress #VideoViral pic.twitter.com/knwb5L0rhj

— Gujarat Tak (@GujaratTak) December 9, 2022