ANAND માં ખુલ્લા ખેતરમાં દારૂની મહેફીલ માણી રહેલા 14 લોકોની ધરપકડ

આંકલાવ પોલીસની ટીમને બાતમી મળી હતી કે, આંકલાવના ખડોલ ચંદ્રનગર સીમ વિસ્તારમાં આવેલ નિહાલ બળવંતભાઈ રાઠોડના ખુલ્લા ખેતરમાં કેટલાક પુરુષો ભેગા મળી બર્થ ડે પાર્ટીનું આયોજન કર્યું છે. આ પાર્ટીમાં દારૂની મહેફિલ રાખી છે. જે બાતમીના આધારે પોલીસે સ્થળ પર દરોડો પાડતા ખુલ્લા ખેતરમાં ત્રણ ગાડીઓ પડેલી હતી. ખેતરમાં કેટલાક છોકરાઓ જોર જોરથી સ્પીકર ઉપર ગીતો વગાડી ડિસ્કો કરતા હતા. ત્યારબાદ પોલીસે ખેતરને કોર્ડન કરી પૂછપરછ હાથ ધરતા હાર્દિક વસાવાએ પોતાની બર્થ ડે પાર્ટી હોવાનું જણાવ્યું હતું.

પાર્ટીના સ્થળ પર 14 છોકરાઓ હતા. સ્થળ પર વિદેશી દારૂના બોટલો તથા બિયરના ટીન તથા કોલ્ડ્રીંક્સની બોટલો પડેલી હતી. પોલીસે તમામ શખ્શો પાસે વિદેશી દારૂ રાખવા તેમજ પીવા બાબતનું પાસ પરમિટ માંગતા તેઓની પાસે કોઈપણ પાસ પરમિટ ન હોતા, પોલીસે તમામ 14 શખ્સોની પ્રોહિબશન એક્ટ હેઠળ અટકાયત કરી કાયદેસરની કાર્યવાહી હાથ ધરી હતી.

જેમાં જેની બર્થ ડે પાર્ટી હતી તે વડોદરાના ડભોઇનો હાર્દિક વસાવા, આકાશ ભોજવાણી, યશ સોની, જય પટેલ, હાર્દિક પટેલ, નડિયાદનો તોસીફ બલોલ, ઇમરાન વાલા, ફરહાન ગુસિયા, શાહિદ ગુગરમાન, સાકીબ ચુનિયા, આસિફ મોટાના, વસીમ ગુગરમાન, મોહસીન મોટાના, સંજય ચુનિયા. પોલીસે આ તમામ લોકોની અટકાયત કરી છે. સાથે જ ખુલ્લા ખેતરમાં દારૂની મહેફિલ માણવા માટે બર્થ ડે પાર્ટીનું આયોજન કરવા માટે વપરાયેલ મ્યુઝિક સિસ્ટમ, મુદ્દા માલ વાહનો મળી કુલ 20,35,410 રૂપિયાના મુદ્દા માલ પ્રોહીબીશન એક્ટ હેઠળ કબજે લઈ તમામ 14 ઈસમો સામે કાર્યવાહી હાથ ધરી છે.