દરજીના દીકરાએ મહેનતથી મેળવી સિદ્ધિ, નોકરી સાથે પ્રથમ પ્રયાસમાં CAT ક્રેક કરી, હવે IIM બેંગ્લોરમાં ભણશે

મનનના પિતા દરજીકામ કરે છે
જેતપુરમાં રહેતો અને સામાન્ય પરિવારમાંથી આવતો મનન સાદરિયા IIM બેંગ્લોરમાં જઈને MBA કરશે. મનનના પિતા રાજકોટમાં દરજીકામ કરે છે. પરિવારમાંથી મોટાભાગના લોકો ધો.10થી આગળ ભણ્યા નથી. પરિવારની આર્થિક સ્થિતિ સામાન્ય હોવા છતાં મનનને ભણવામાં રસ જોઈને પરિવારે ધો.11 અને 12 સાયન્યમાં ઈંગ્લિશ મીડિયમમાં ભણાવ્યો. આ બાદ તેણે વડોદરાની MS યુનિવર્સિટીમાંથી મિકેનિકલ એન્જિનિયરિંગ કર્યું હતું.

નોકરી સાથે જ CATની તૈયારી
આ બાદ તેને બેંગલુરુની કંપનીમાં નોકરી લીધી.  ત્યારે ખાનગી યુનિવર્સિટીમાં એન્જિનિયરિંગ બ્રાન્ચમાં એડમિશન મળ્યું પરંતુ ફી વધુ હોવાથી જતું કરવું પડ્યું હતું. જોકે ટ્રાવેલિંગ વધારે થતું હોવાથી મનને અમદાવાદની કંપનીમાં નોકરી શરૂ કરી. આ પછી મનને નોકરીની સાથે જ CATની જાતે જ તૈયારી શરૂ કરી જેમાં તેને 98.7 પર્સેન્ટાઈલ આવ્યા હતા. ત્યારે પહેલા જ પ્રયાસમાં CATને ક્રેક કરીને હવે તે IIM બેંગ્લોરમાં અભ્યાસ કરશે.