રાજકોટમાં ચિક્કાર દારૂ પીને કાર હંકારતા PSIએ સાયકલ પર જતી સગીરાને અડફેટે લીધી, પબ્લિકે મેથીપાક આપ્યો

રાજકોટ: અમદાવાદના ઈસ્કોન બ્રિજ પર અકસ્માતમાં 9 લોકોના મોત થયા બાદ પોલીસ દ્વારા રાજ્યભરમાં ડ્રિંક એન્ડ ડ્રાઈવ તથા બેફામ વાહન ચાલકો સામે કાર્યવાહી કરવામાં આવી રહી છે. આ વચ્ચે રાજકોટમાં ખુદ પોલીસકર્મી જ દારૂ પીને બેફામ કાર હંકારી અકસ્માત સર્જ્યો હોવાની વિગતો સામે આવી રહી છે. જેમાં સાયકલ પર જતી એક કિશોરીને પોલીસે કારથી અડફેટે લીધી હતી. મામલે હવે યુનિવર્સિટી પોલીસે PSIની અટકાયત કરીને કાર્યવાહી હાથ ધરી છે.