અમદાવાદમાં કિંડનેપિંગ વિથ લૂટઃ સામાન્ય અકસ્માતમાં 6 શખ્સોએ રિક્ષાચાલકનું કર્યું અપહરણ, જાગૃત નાગરિકના કારણે બચ્યો જીવ

Ahmedabad News: અમદાવાદમાં અકસ્માતના બહાને લૂંટની ઘટનાઓમાં સતત વધારો થયો છે. તાજેતરમાં અમદાવાદના એક શિક્ષકને રસ્તામાં ઊભા રાખી એક્ટિવામાંથી લાખો રૂપિયા ઉઠાવીને ગઠિયાઓ ફરાર થઈ ગયા હતા. ત્યારે હવે ફરી એકવાર ‘કિંડનેપિંગ વિથ લૂંટ’નો બનાવ સામે આવ્યો છે. જેમાં સામાન્ય અકસ્માતમાં 6 નબીરાઓએ રિક્ષાચાલકનું અપહરણ કરીને ગેરકાયેસર રીતે 16,500 રૂપિયા લૂંટી લેતા ચકચાર મચી ગઈ છે. એક જાગૃત નાગરિકની સતર્કતાના કારણે ‘કિડનેપિંગ વિથ લૂંટ’ની ઘટનાનો પર્દાફાશ થયો છે. પોલીસે રિક્ષા ચાલકને હેમખેમ છોડાવીને પાંચ આરોપીને ઝડપી લીધા છે. જ્યારે નાસી છૂટેલા એક આરોપીને ઝડપી પાડવા ચક્રોગતિમાન કર્યા છે.