ધોળકામાં પરિવારનો સામુહિક આપઘાતનો પ્રયાસ, ઝેરી દવા પી લેતા પિતા-પુત્રનું મોત

Ahmedabad News: અમદાવાદના ધોળકા તાલુકામાં એક જ પરિવારના 4 સભ્યોએ ઝેરી દવા ગટગટાવીને આપઘાતને પ્રયાસ કરતા ચકચાર મચી ગઈ છે. પરિવારના આવા પગલા પાછળનું સાચું કારણ હજુ સુધી સામે આવ્યું નથી. પરંતુ એવી અટકળો લગાવાઈ રહી છે કે દીકરીએ પ્રેમ લગ્ન કરી લેતા પરિવારે આ પ્રકારનું પગલું ભર્યું. ઘટનામાં પિતા અને મોટા પુત્રનું મોત થયું છે, તો માતા અને નાનો પુત્ર હોસ્પિટલમાં સારવાર હેઠળ છે. ઘટનાને લઈને ધોળકા શહેર પોલીસે વધુ તપાસ હાથ ધરી છે.