અમદાવાદ અકસ્માત: નબીરા તથ્ય પટેલે 15 દિવસ પહેલા થારનો અકસ્માત કર્યો હતો, પૈસા આપી સમાધાન કર્યું હતું

3 જુલાઈએ કર્યો હતો થારથી અકસ્માત
ગત 3 જુલાઈના રોજ વહેલી સવારે 6 વાગ્યે એસ.જી હાઈવે ઉપર ગોગા મહારાજ મંદિરથી જમણી બાજુ ટર્નિંગમાં રોડ પર આવેલા મૂવ કાફેની દિવાલમાં થાર જીપ ઘુસી ગઈ હતી. અકસ્માતની ઘટનાનો સીસીટીવી પણ સામે આવ્યો હતો, જેમાં જોઈ શકાય છે કે થાર કાર વહેલી સવારે અચાનક દિવાલમાં ઘુસી જાય છે, બાજુમાં જ એક ભાઈ બેઠેલા છે અને તેઓ બચી જાય છે, જો કાર દિવાલની જગ્યાએ તેમના પર ચડી ગઈ હોત તો તેમના જીવને પણ જોખમ ઊભું થયું હોત.

પૈસા આપીને મામલો રફેદફે કરાવી નાખ્યો
આ ઘટનાની પોલીસને પણ જાણ થઈ હતી, પરંતુ અમુક પોલીસ કર્મચારીની મધ્યસ્થીથી આ અંગે સમાધાન કરાયું હતું અને તથ્ય પટેલે બીજા દિવસે રૂ.40 હજાર ચૂકવી દેતા રેસ્ટોરન્ટના માલિકે ફરિયાદ નોંધાવી હતી. જોકે ઘટનાના સીસીટીવી સામે આવતા હવે એસ.જી-1 ટ્રાફિક પોલીસે પણ તથ્ય પટેલ સામે ગુનો નોંધ્યો છે. ત્યારે સવાલ એ થાય છે કે, જો અગાઉના અકસ્માતમાં સમાધાન ન થયું હોત અને પોલીસ ફરિયાદ થઈ હોત તો નબીરાને પ્રયાસ ન કર્યો હોત તો ઈસ્કોન બ્રિજ પર 9 જેટલા નિર્દોષ લોકોના જીવ કદાચ બચી ગયા હોત. આમ માત્ર 20 દિવસના સમયગાળામાં જ તથ્ય પટેલે પહેલા થાર અને પછી જગુઆર કાર વડે બે-બે અકસ્માતો સર્જ્યા.

અમદાવાદમાં ઈસ્કોન બ્રિજ પર લોકોને અડફેટે લેનારા તથ્ય પટેલે 3 જુલાઈએ સિંધુ ભવન રોડ પર કેફેની દીવાલમાં કાર ઘુસાડી દીધી હતી.#AhmedabadAccident #TathyaPatel #GujaratiNews pic.twitter.com/L6capokkQy

— Gujarat Tak (@GujaratTak) July 23, 2023