3900 કરોડનો ભ્રષ્ટાચાર ખુલ્યોઃ લાઈટબિલનો ખેલ અને અદાણી પાવરને લીલા લેર- કોંગ્રેસનો દાવો

સરકારે કેવી રીતે અદાણી સામે ખુલ્લી મુકી જનતાની તિજોરી?

શક્તિસિંહ ગોહિલે કહ્યું કે, ગુજરાત ઉર્જા વિકાસ નિગમ લિમિટેડ (GUVNL)એ વીજળીની ખરીદી માટે પાવર પર્ચેઝ એગ્રીમેન્ટ (PPA) અદાણી પાવર સાથે કર્યો હતો. આ એગ્રીમેન્ટ પ્રમાણે એનર્જી ચાર્જીસ એટલે કે કોલસાની ખરીદ કિંમત પર અદાણી પાવર મુન્દ્રા લિ.ને રૂપિયા આપવા માટે સ્કિમ બની હતી. અદાણી પાવરે ખરીદેલા કોલસાના બીલો સ્પર્ધાત્મક રીતે ખરીદ્યા હતા. જેના દસ્તાવેજ અને પારદર્શિતા તમામ પેપર રજૂ કરવામાં આવે, જીયુવીએનએલ તેની તપાસ કરે અને સરખામણી કોલસા આંતરરાષ્ટ્રીય બજાર ભાવ નક્કી કરતી સંસ્થા ARGUSના ભાવ સાથે કરે. જો અદાણીએ ખરીદેલો કોલસો ઓછી કિંમતનો છે તો તેને ધ્યાને લેવાનું અને જો ARGUSના ભાવ ઓછા હોય તેને ધ્યાને લઈ અદાણીને કેટલા રૂપિયા મળે છે તેવી સ્પષ્ટ જોગવાઈ છે છતા વર્ષ 2018થી અત્યારે વર્ષ 2023 સુધી 5 વર્ષમાં અદાણીને 13802 કરોડ રૂપિયા ચુકવાયા છે.

તપાસની બીક લાગી તો લખી દીધો પત્ર?

તેમણે કહ્યું કે ખરેખર અદાણીને મળવાપાત્ર રૂપિયા 9902 કરોડ જ થાય છે. તો અહીં 3900 કરોડ વધારે આપી દેવાયા છે. હિંડનબર્ગના રિપોર્ટ, સુપ્રીમ કોર્ટ તપાસ કમિટી અને સેબીની તપાસ શરૂ થઈ હતી. ઉપરાંત જેપીસી વિરોધપક્ષે માગી ત્યારે અધિકારીઓ અને મોટાભ્રષ્ટાચારમાં પોતાને તકલીફો ના પડે તે માટે જીયુવીએનએલ દ્વારા અદાણી પાવર મુન્દ્રા લી.ને પત્ર લખીને કહેવામાં આવ્યું કે, વારંવાર માગણી કરવા છતા અદાણી પાવર દ્વારા ખરીદેલા કોલસાના બિલો અપાતા નથી. સ્પર્ધાત્મક ભાવ અંગેના ડોક્યુમેન્ટ્સ અપાતા નથી. માત્ર ચોક્કલ લોકો સામેથી ઊંચા ભાવે કોલસો ખરીદ્યાની વાત કરીને 13802 કરોડ રૂપિયા તેણે સરકાર પાસેથી લઈ લીધા છે.

મુન્દ્રાના પ્રતિષ્ઠિત પરિવારના પુત્રની હત્યાનો ભેદ ઉકેલાયોઃ 50,000નો મોબાઈલ બન્યો હત્યાનું કારણ

તેમણે કહ્યું કે, જ્યારે તપાસ થશે તેવી બીક લાગી ત્યારે પત્ર લખી નાખવામાં આવ્યો છે. આ નાણાંનો બોજો ગુજરાતની જનતાને વીજળીનો ઉપયોગ કરપનારાઓને માથે ઝીંકાયો છે. માનીતા ઉદ્યોગપતિઓ માલામાલ અને ગુજરાતીઓને મોંઘી વીજળી ખરીદવી પડે છે. કોના કહેવાથી આટલી મોટી રકમ મળતીયા કંપનીને આપી દેવામાં આવી તે અંગે તટસ્થ તપાસની કોંગ્રેસ માગ કરી રહ્યું છે.