2000 રૂપિયા જમા થયા! ખેડૂતો માટે મોટા સમાચાર, પીએમ કિસાન યોજનાનો 17મો હપ્તો જાહેર

PM Kisan Samman Nidhi Yojana : ત્રીજી વખત દેશની સત્તા સંભાળ્યા બાદ વડાપ્રધાન નરેન્દ્ર મોદી આજે વારાણસીની મુલાકાતે છે. આ દરમિયાન, તેમણે વારાણસીમાં આયોજિત ખેડૂતોના સંમેલનમાં PM કિસાન સન્માન નિધિ યોજનાનો 17મો હપ્તો બહાર પાડ્યો છે. જે હેઠળ PMએ દરેક હપ્તાના 2,000 રૂપિયા ડાયરેક્ટ બેનિફિટ ટ્રાન્સફર (DBT) દ્વારા ખાતાઓમાં ટ્રાન્સફર કર્યા. 9 કરોડથી વધુ ખેડૂતોના પૈસા ડિજિટલી ટ્રાન્સફર થયા.

PM મોદીએ કિસાન સન્માન નિધિ યોજના હેઠળ દેશભરના ખેડૂતોના ખાતામાં 20,000 કરોડ રૂપિયા ટ્રાન્સફર કર્યા છે. પ્રધાનમંત્રી કિસાન સન્માન નિધિ યોજના 1 ફેબ્રુઆરી 2019ના રોજ શરૂ કરવામાં આવી હતી, જે અંતર્ગત અત્યાર સુધીમાં ખેડૂતોના ખાતામાં 16 હપ્તાઓ ટ્રાન્સફર કરવામાં આવ્યા છે. આ યોજના હેઠળ ખેડૂતોને દર વર્ષે ત્રણ હપ્તામાં 6000 રૂપિયા આપવામાં આવે છે. આ રકમ સીધી ખેડૂતોના ખાતામાં મોકલવામાં આવે છે. કેન્દ્ર સરકારે પીએમ કિસાન યોજનાના લાભો મેળવવા માટે ઇ-કેવાયસી પ્રક્રિયાને ફરજિયાત બનાવી છે.

આ સિવાય પ્રધાનમંત્રી કૃષિ સખી તરીકે પ્રશિક્ષિત 30,000 થી વધુ સ્વસહાય જૂથોને પેરા-એક્સ્ટેંશન વર્કર તરીકે કામ કરવા માટે પ્રમાણપત્રોનું વિતરણ કર્યું. જેથી કરીને તેઓ પેરા-એક્સ્ટેંશન વર્કર તરીકે કામ કરી શકે અને સાથી ખેડૂતોને ખેતીમાં મદદ કરી શકે.

કયા ખેડૂતોને હપ્તો નહીં મળે?

17મા હપ્તાનો લાભ એવા ખેડૂતોને મળશે જેમણે ઈ-કેવાયસી કરાવ્યું છે. જે ખેડૂતોએ આ કામ ન કર્યું હોય તો તેઓ નિયમો હેઠળ હપ્તાના લાભથી વંચિત રહી શકે છે.

16મો હપ્તો ક્યારે બહાર પાડવામાં આવ્યો?

જો આપણે 16મા હપ્તાની વાત કરીએ તો, આ હપ્તો 28 ફેબ્રુઆરી 2024 ના રોજ બહાર પાડવામાં આવ્યો હતો. જેમાં લગભગ 9 કરોડ પાત્ર ખેડૂતોને હપ્તાનો લાભ મળ્યો હતો.

પીએમ કિસાન યોજનાનું સ્ટેટસ આ રીતે તપાસો

1. PM કિસાન યોજનાની સત્તાવાર વેબસાઇટ pmkisan.gov.in પર જાઓ.
2. આ પછી 'Know Your Status' પર ક્લિક કરો.
3. પછી રજીસ્ટ્રેશન નંબર ભરો.
4. આ પછી સ્ક્રીન પર દર્શાવેલ કેપ્ચા દાખલ કરો.
5. બધી માહિતી ભરો અને Get Details પર ક્લિક કરો.
6. હવે તમે સ્ક્રીન પર સ્ટેટસ જોવા મળશે.

આ પણ વાંચો- 'હવે હું અહીંનો થઈ ગયો, માં ગંગાએ ગોદ લઈ લીધો', વારાણસીમાં બોલ્યા પીએમ મોદી